Prishtinë, 6 shkurt 2026 22:29
Gjykata Themelore në Prishtinë ka caktuar datën 16 shkurt 2026 për seancën e radhës në gjykimin për shpërthimin në kanalin e Ibër-Lepencit në Varagë të Zubin-Potokut.
Këtë e ka konfirmuar për “RTKLive” zëdhënësja e gjykatës, Mirlinda Gashi.
Për këtë sulm akuzohen vëllezërit Dragisha e Jovan Viqentijeviq dhe Igor Dimoviq. Në seancën fillestare më 24 dhjetor 2025, mbrojtësi i Jovan Viqentijeviq, avokati Nebojsha Vllajiq, kishte kërkuar përjashtimin e prokurorit Kodraliu, kërkesë që u mbështet edhe nga mbrojtësit e të akuzuarve të tjerë, duke çuar në ndërprerjen e seancës.
Prokuroria Speciale e Kosovës ngriti aktakuzë më 9 dhjetor 2025 ndaj tre të akuzuarve për sulmin e 29 nëntorit 2024 në kanalin e Ibër-Lepencit në Varagë të Zubin-Potokut.
Sipas aktakuzës, më 29 nëntor 2024, në fshatin Varagë, Komuna e Zubin Potokut, të pandehurit J.V. dhe D.V., së bashku me disa persona të tjerë ende të panjohur, kanë vendosur rreth 20 kilogramë trinitrotoluene (TNT) brenda kanalit “Ibër Lepenc”. Ata e aktivizuan lëndën shpërthyese përmes një çante të lidhur me një shtyllë betoni, duke dëmtuar rëndë strukturën e kanalit, ndërprerë furnizimin me ujë të pijshëm, rrezikuar prodhimin e energjisë elektrike dhe shkaktuar dëm në vlerë prej 376,774.70 eurosh ndërmarrjes “Ibër Lepenc”.
Aktakuzat gjithashtu përfshijnë veprat penale të armëmbajtjes pa leje për tre të pandehurit dhe veprën penale të spiunazhit për J.V., i cili dyshohet se ka vepruar në favor të Shërbimit Informativ Ushtarak të Serbisë, duke mbledhur dokumente dhe informacione të klasifikuara për qëllime të kundërligjshme në territorin e Kosovës.
Caktohet data për shpalljen e aktgjykimit në rastin “Banjska” 
Fenomeni i ‘shtëpive të braktisura’ në veri të vendit, ku po gjendet sasi e madhe e armatimit, është bërë i shpeshtë në Kosovë 
FSK-ja do ta ruajë paqen në Gazë me armët e veta 
Sveçla publikon identitetin e të arrestuarit për sulmin në Banjskë: Do të kapen kudo që janë 
Arrestohet një i dyshuar për përfshirje në sulmin terrorist në Banjskë 
Nufi: S’ka ndryshim në planet e KFOR-it për Kosovën 
Sadiku dhe Bajoku përfaqësojnë Kosovën në turneun më të madh të historisë 
Në kryeqytet e ban në Prishtinë 
Përcaktohet orari i “Final” të Kupës së Kosovës – Bota Sot 
Vrasja e Liridonës- Naim Murseli e Granit Plava dënohen me burg të përjetshëm, Kokalla me 30 vite burg