Sinkronizimi i Listës Serbe për mbajtjen e seancave komunale për zgjedhjen e kryesuesve komunal

Prishtinë, 18 dhjetor 2025 15:43

Sot, të gjitha komunat veriore të Kosovës mbajtën seanca të sinkronizuara për zgjedhjen e kryesuesve të kuvendeve komunale. Ky koordinim i përbashkët ndodh në një kontekst politik të tensionuar, ku vendimet e marra nga disa kryesues të zgjedhur shpesh bien në kundërshtim me rendin kushtetues të Republikës së Kosovës.

Leposaviq: Në seancën e parë të rregullt të Kuvendit Komunal, Marko Rakiq nga Lista Serbe u zgjodh kryetar me 11 vota nga 14 asamblistë, ndërsa dy vota u shpallën të pavlefshme. Në të njëjtën seancë u diskutua edhe propozimi për daljen e komunës nga Asociacioni i Komunave të Kosovës.

Zubin Potok: Në seancën e Kuvendit Komunal të Zubin Potokut, Nemanja Jakshiq u zgjodh kryetar, ndërsa pozita e nënkryetarit për komunitetet pakicë mbeti e pazgjidhur për shkak të mosmarrëveshjeve ndërmjet përfaqësuesve shqiptarë. Asamblistët votuan gjithashtu për daljen e komunës nga Asociacioni i Komunave të Kosovës, duke reflektuar një orientim politik që sfidon autoritetin dhe ligjshmërinë e institucioneve qendrore.

Zveçan: Serxhan Milosavljeviq u zgjodh kryesues i Kuvendit Komunal me 15 vota “për”. Ndërkaq, në Kuvendin Komunal të Mitrovicës së Veriut, kryesues u zgjodh Nemanja Bishevac, derisa zëvendëskryesuese u zgjodh Aida Ferati Doli