Prishtinë, 12 dhjetor 2025 09:23
Luljeta Mehmeti-Quigley, një nga zyrtaret e para policore të Kosovës, dhe e para police e graduar në Rreshter nga radhët e Policisë së Kosovës qysh në vitin 2001, është diplomuar në Akademinë Kombëtare të FBI-së.
Mehmeti-Quigley iu bashkua Policisë së Kosovës në vitin 2000, duke hyrë në këtë institucion menjëherë pas themelimit të tij.
Ajo shënoi një sërë ngritjesh në pozita komanduese, përpara se të zhvendosej në Mbretërinë e Bashkuar. Në vitin 2013 ajo u rikthye në Kosovë për të vazhduar shërbimin në polici, raporton Klankosova.tv.
Ndërkaq tani, Mehmeti-Quigley është diplomuar edhe në Akademinë Kombëtare të FBI-së.
“Ceremonia e Diplomimit të Sesionit 296 të Akademisë Kombëtare të FBI-së! Përvojë jetësore, krenare që jam e diplomuar në FBI”, shkroi vetë Mehmeti-Quigley.
Këtë arritje, Shoqata Amerikane-Shqiptare e Zbatimit të Ligjit (AALEA) e ka vlerësuar si një moment të jashtëzakonshëm dhe si një hap të rëndësishëm për gratë kosovare në sektorin e sigurisë.
“Një moment krenarie për komunitetin tonë dhe për të gjitha gratë në zbatimin e ligjit, duke thyer barrierat dhe duke frymëzuar breza të tërë. Bravo Kosovë”, shkruhet në postimin e AALEA-s.
Prokuroria Speciale: Dyshohet për mbetje mortore në Jabukë të Zubin Potokut 
Nga jeta në zhdukje – rrëfimi për 23 civilët e vrarë dhe groposur fshehtas 
Koci: Edhe një qytetar i Kosovës ndalohet nga autoritetet serbe 
Arrestohet edhe një i dyshuar për krime lufte në Zubin Potok 
Prokuroria Speciale: Ende herët të flitet për rezultate të sakta nga gërmimet në Zubin-Potok 
Varroset Isuf Hoxha, iu gjetën mbetjet mortore pas 27 vjetësh 
Sveçla: Serbia refuzon të tregojë varret masive dhe ndëshkon ata që flasin 
Koci: Sa herë ka hetime për krime lufte në Kosovë, ka arrestime në Serbi 
Islami: Serbia po përdor arrestimet për të barazuar viktimën me kriminelin