Prishtinë 11 Dhjetor 2025 13:27
Forca e Sigurisë së Kosovës ka filluar realizimin e ligjëratave vetëdijesuese në shkollat e mesme të ulëta në mbarë vendin, me fokus te rreziqet që paraqet përdorimi i mjeteve piroteknike. Aktiviteti po zhvillohet në bashkëpunim me Ministrinë e Arsimit, Shkencës, Teknologjisë dhe Inovacionit, si pjesë e planit vjetor të edukimit dhe ndërgjegjësimit.
Qëllimi i këtyre ligjëratave është informimi dhe sensibilizimi i nxënësve për pasojat e mundshme që mund të shkaktojë përdorimi i mjeteve piroteknike, veçanërisht gjatë sezonit festiv kur rritet përdorimi i tyre. Përmes shembujve praktikë, pjesëtarët e FSK-së po prezantojnë rregullat e sigurisë dhe mënyrat e shmangies së incidenteve që shpesh përfundojnë me lëndime të rënda tek fëmijët dhe të rinjtë, thuhet në njoftimin e zyrës për infomim të FSK-së.
FSK thekson se mbetet e përkushtuar në misionin e saj për sigurinë e qytetarëve, duke kontribuar në edukimin e brezave të rinj për çështje që lidhen me shëndetin publik dhe mirëqenien e komunitetit.
Strategjia për Apelin në Hagë, Konjufca: Nuk do të bëhen publike diskutimet 
22 persona arrestohen në aksionin kundër bixhozit të paligjshëm në Prizren, Suharekë dhe Dragash 
Historianët kundërshtojnë narrativën serbe për vitin 1690: Kosova nuk u popullua nga shqiptarët e ardhur nga veriu i Shqipërisë 
Pritja që zgjati 27 vjet: Dr. Adem Ademi identifikohet në Hagë 
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Pesë kadetë të FSK-së diplomojnë në akademitë ushtarake të Gjermanisë, do t’i bashkohen trupës së oficerëve