Nën simbolet e shtetit të Kosovës, betohet edhe kryetari i ri i Leposaviqit, Zoran Todiq

Leposaviq, 05 dhjetor 2025 13:36

Është betuar edhe Zoran Todiq, kryetari i ri i Komunës së Leposaviqit.

Edhe në sallën e Kuvendit Komunal të Leposaviqit, ashtu si në kuvendet e komunave me shumicë serbe të tjera, kanë qenë flamuri i Kosovës dhe fotografia e presidentes, Vjosa Osmani.

“Dua t’i përgëzoj këshilltarët e sapozgjedhur për marrjen e detyrës, t’ju uroj, para së gjithash, punë të suksesshme në katër vitet e ardhshme, që të gjithë të punojmë së bashku në interes të qytetarëve tanë, pavarësisht nga përkatësia fetare, kombëtare dhe politike. Gjithashtu, në seancën e parë të radhës, do t’ju informoj ju dhe qytetarët tanë për situatën aktuale në komunën tonë pas marrjes së detyrës dhe dorëzimit të pushtetit, si dhe për planet e ardhshme në lidhje me zhvillimin e komunës sonë. Edhe një herë shfrytëzoj këtë mundësi për të falënderuar të gjithë qytetarët e komunës së Leposeviçit të cilët, në zgjedhjet e kaluara, kanë treguar besimin e tyre tek unë, dhe këshilltarët e Listës Serbe, si dhe këshilltarët e disa partive të tjera politike”, tha Todiç.