Kryetari i Zubin Potokut: Millosh Peroviq: “ Tani e tutje do të jetë më e lehtë, por jo edhe krejt e lehtë”

Zubin Potok, 05 dhjetor 2025

Nën respektim të plotë të simboleve shtetërore, edhe kryetari i ri i Komunës së Zubin Potokut, Millosh Peroviq, e ka dhën betimin për mandatin e ri si kryetar i kësaj Komune.

Duke deklaruar se si kryetar e pret një punë shumë e ngarkuar, ai u shpreh se në tri vitete e fundit, ishte një periudhë shumë e vështirë për sic tha ai komunitetin lokal, gjatë mandatit të tij të ardhshëm do të ketë lehtësime porse nuk do të jetë krejtësisht e lehtë.

Ai në sallën e Kuvendit Komunal ka qenë shumë i shkurtër në deklaratën e tij, mirëpo pas përfundimit të seancës, peroviq sëbashku me këshilltarët komunal ka ecur këmbë deri pranë selisë së partisë Lista serbe, ai ka dhënë deklaratë për media.

“Sapo kemi marrë përsipër këtë detyrë jo aq të lehtë. Ka pasur probleme në të kaluarën, ato do të jenë më të pakta, por nuk do të mungojnë as në të ardhmen, mirëpo nuk  por ne prapë do t’i përballojmë ato”.

Gjatë seancës, asambleisti opozoitar, Milija Bishevac, i ka dorëzuar Peroviqit një flamur serb, duke i kërkuar që ta mbajë premtimin e dhënë se pas marrjes së pushtetit do ta vendos atë flamur në objektin komunal të Zubin Potokut. “ Kryetar, mbaje premtimin, ktheje këtë flamur ashtu sic edhe ke premtuar”, i tha Bishevac.

I pyetur nga portali “Veritasinfo” nëse do ta bëjë një gjë të tillë, Peroviq u përgjigj shkurt”. Ju lutem, kemi shumë punë për të bërë”.