Prishtinës 02 Dhjetor 2025 08:40
Grupi i Kosovës për Sisteme Gjeografike të Informacionit (GGK – GIS Group of Kosovo) ka publikuar të dhënat më të fundit lidhur me ndryshimet në sipërfaqet pyjore në Kosovë për periudhën 2000–2023, bazuar në analizat e Hansen Global Forest Change.
Sipas raportit, vendi ka pësuar humbje të konsiderueshme të pyjeve në dy dekadat e fundit. Të dhënat tregojnë se nga viti 2001 deri në vitin 2023, në Kosovë janë humbur 152 kilometra katrorë pyje, ndërsa në të njëjtën periudhë janë regjistruar vetëm 56 kilometra katrorë sipërfaqe të re pyjore.
GGK-ja bën të ditur se komunat më të prekura nga shpyllezimi janë Prishtina, Gjakova, Peja dhe Podujeva, zona ku ndikimi në biodiversitet, në ekosistemet pyjore dhe në klimën lokale është më i theksuar.
Në njoftim theksohet se këto të dhëna ngrenë alarmin për nevojën urgjente të projekteve për ri-pyllëzimin dhe menaxhimin e qëndrueshëm të pyjeve, si një parakusht për mbrojtjen e natyrës dhe aleancave klimatike në vend.
GGK-ja apelon për më shumë angazhim institucional dhe shoqëror në ruajtjen e pasurisë pyjore, duke e cilësuar atë si një ndër resurset më të rëndësishme natyrore të Kosovës.
Kurti: Ruajtja e gjuhës shqipe, përgjegjësi ndaj brezave të ardhshëm 
Kurti: Nevojitet strategji shtetërore për reagim ndaj verdiktit të Speciales 
Nata e katërt e protestës në Prishtinë kundër aktgjykimit të Speciales 
Personi i tretë i identifikuar nga 23 të zhvarrosurit në Zubin Potok, është Sali Mziu 
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Qindra dronë godasin Moskën në ditën e fundit të votimit në zgjedhjet parlamentare të Rusisë 
Në vitin 1889, Krusheva kishte rreth 160 shtëpi shqiptare