Prishtinë, 27 nëntor 2025 07:22
Në Ditën e Forcës së Sigurisë së Kosovës, ministri në detyrë i Mbrojtjes, Ejup Maqedonci, ka thënë se në vitet e fundit, përmes investimeve dhe angazhimit të përbashkët, FSK-ja është rritur dhe fuqizuar më shumë se kurrë më parë.
“Me fluturake në qiell, me sisteme raketore dhe sisteme artilerie në tokë, me autoblinda në rrugë dhe me armë e pajisje moderne ushtarake të këmbësorisë, po sigurohemi që forca jonë të fuqizojë kapacitetet e saj luftarake dhe të jetë e gatshme të përballet me çdo kërcënim dhe rrezik që synon të cenojë territorin e Republikës së Kosovës dhe jetën e qytetarëve tanë”, është shprehur Maqedonci në një video-mesazh me rastin e Ditës së Forcës.
Ai thotë se infrastruktura e ushtrisë po zgjerohet dhe zhvillohet çdo ditë, me poligone të reja trajnimi dhe baza të reja ushtarake, duke mundësuar zhvillimin e stërvitjeve dhe realizimin e punëve ditore.
“Përmes rekrutimit të personelit dhe investimeve në trajnim dhe edukim, po sigurohemi që shkathtësitë dhe dijen t’i ndërvezojmë me pajisjet dhe armët, për të kryer me sukses detyrat taktike”, thotë Maqedonci.
Sipas tij, Forca e Sigurisë së Kosovës sot është një forcë që respektohet, që vlerësohet dhe një forcë që po ngritet me dinjitet, duke u zhvilluar krah për krah me aleatët e Kosovës, duke e bërë vendin tonë më të fortë dhe më të sigurt se kurrë më parë.
Kurti: Nevojitet strategji shtetërore për reagim ndaj verdiktit të Speciales 
Nata e katërt e protestës në Prishtinë kundër aktgjykimit të Speciales 
Personi i tretë i identifikuar nga 23 të zhvarrosurit në Zubin Potok, është Sali Mziu 
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Identifikohen tri viktima nga varrezat në Zubin-Potok, i përkasin “Grupit të Intelektualëve” 
Është ndarë nga jeta ish-futbollisti i njohur gjakovar, Roland “Llolla” Kryeziu, një nga emrat e njohur të sportit në Gjakovë 
Dy serbë të ndaluar në Jarinjë, pesë thika dhe “simbole nacionaliste” të sekuestruara