Prishtinë, 19 nëntor 2025
Agjencia e Menaxhimit Emergjent ka njoftuar se situata në nivel vendi në Kosovë është kryesisht e qetë, pas reshjeve të vazhdueshme të shiut gjatë dy ditëve të fundit.
“Pas vlerësimit të gjendjes në terren dhe rënies së intensitetit të reshjeve, situata konsiderohet më e qetë dhe nën kontroll”-thuhet në njoftim.
Ky institucion ka bërë të ditur se që nga fillimi i reshjeve, Njësitë Profesionale të Zjarrfikjes dhe Shpëtimit kanë kryer 76 intervenime në Prishtinë, Fushë Kosovë, Ferizaj, Gjilan, Viti, Kllokot, Podujevë, Mitrovicë, Lipjan, Kamenicë, Novo Bërd, Junik, Ranillug dhe Shtime.
Ndërsa gjashtë familje në komunat si Fushë Kosovë, Ferizaj dhe Gjilan janë evakuuar.
Agjencia e Menaxhimit Emergjent bëri të ditur se në disa zona janë evidentuar vërshime të tokave bujqësore, si dhe depërtime të ujërave nëpër shtëpi, kryesisht nëpër podrume.
Kosova u përfshi ka reshje të mëdha të shiut gjatë datave 18 dhe 19.11.2025 të cilat shkaktuan vërshime në disa qytete.
Kurti: Nevojitet strategji shtetërore për reagim ndaj verdiktit të Speciales 
Nata e katërt e protestës në Prishtinë kundër aktgjykimit të Speciales 
Personi i tretë i identifikuar nga 23 të zhvarrosurit në Zubin Potok, është Sali Mziu 
Në mesin e 23 të zhvarrosurve në Zubin Potok konfirmohen edhe veprimtarët e çështjes kombëtare Adem Beqiri dhe Idriz Rrreci 
Shënohen dy viktima dhe shtatë të infektuar nga virusi i Nilit Perëndimor në Kosovë 
Identifikohen tri viktima nga varrezat në Zubin-Potok, i përkasin “Grupit të Intelektualëve” 
Është ndarë nga jeta ish-futbollisti i njohur gjakovar, Roland “Llolla” Kryeziu, një nga emrat e njohur të sportit në Gjakovë 
Dy serbë të ndaluar në Jarinjë, pesë thika dhe “simbole nacionaliste” të sekuestruara