“UÇK, UÇK!” –  nis protesta e shqiptarëve në Strasburg në mbrojtje të ish-krerëve të UÇK-së

Prishtinë, 16 nëntor 2025 13:41

Sot në Strasburg, qytetarë shqiptarë nga vende të ndryshme të Evropës janë mblidhur para Këshillit të Evropës, për të shprehur pakënaqësinë e tyre lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK).

Protesta ka nisë nga ora 13:00, me pjesëmarrës që kanë dalë në shesh me pankarta dhe mesazhe që shprehin mbështetjen për ish-udhëheqësit e UÇK-së dhe kërkesën për drejtësi.

Protesta pasqyron pakënaqësinë e komunitetit shqiptar ndaj mënyrës se si po zhvillohet gjykimi në Hagë dhe synon të dërgojë një mesazh të fuqishëm për drejtësi dhe barazi para ligjit për ish-krerët e UÇK-së.