Mediumi slloven: Në Lubjanë ishim mysafirë

Prishtinë, 16 nëntor 2025 09:34

Asaj që i janë frikësuar mediumet sllovene edhe ndodhi të shtunën mbrëma në stadiumin “Stozhice” në Lubjanë.

Shumica e shikuesve në stadium ishin shqiptarë.

Thirrjet “Kosova, Kosova” janë dëgjuar vazhdimisht, njëjtë si ato “UÇK, UÇK”.

“Jemi frikësuar se Sllovenia do të luajë ndeshje në ‘udhëtim’ ndaj Kosovës në ‘Stozhice’. Dhe kështu ndodhi”, ka shkruar “ekipa.si”.

Ky medium ka shkruar se kur lojtarët e Kosovës dolën në fushë, kishte duartrokitje të shumta.

Ndërkohë ka pasur fishkëllima kur në fushë dolën lojtarët e Sllovenisë.