Prishtinë, 12 nëntor 2025 14:37
Agjencia e Ushqimit dhe Veterinarisë së Republikës së Kosovës (AUV), duke iu referuar njoftimit nga Sistemi i Paralajmërimit të Shpejtë për Ushqim (RASFF), njofton qytetarët se gjatë kontrollit të kryer në një ngarkesë të produktit ‘MDM pulë’, të importuar nga Rumania në Prizren është konstatuar prania e bakterit Salmonella spp.
Gjatë inspektimeve është vërtetuar ekzistenca e salmonelës në sasinë prej 27.7 kilogramë mish pule. AUV thekson se menjëherë pas konstatimit të këtij rasti, sasia e importit nga lloti i cili ka rezultuar pozitive është asgjësuar në përputhje me procedurat ligjore dhe standardet e sigurisë ushqimore.
“Është asgjësuar në përputhje me procedurat ligjore dhe standardet e sigurisë ushqimore. AUV vazhdon të monitorojë me kujdes të shtuar situatën dhe të bashkëpunojë ngushtë me institucionet vendore dhe ndërkombëtare si dhe me bizneset të cilat merren me importin e mishit për identifikimin dhe parandalimin e rasteve të ngjashme”, thuhet në njoftim.
Tutje, AUV thekson se publiku do të informohet në kohë reale për çdo zhvillim të ri.
Prokuroria Speciale: Dyshohet për mbetje mortore në Jabukë të Zubin Potokut 
Nga jeta në zhdukje – rrëfimi për 23 civilët e vrarë dhe groposur fshehtas 
Koci: Edhe një qytetar i Kosovës ndalohet nga autoritetet serbe 
Arrestohet edhe një i dyshuar për krime lufte në Zubin Potok 
Prokuroria Speciale: Ende herët të flitet për rezultate të sakta nga gërmimet në Zubin-Potok 
Varroset Isuf Hoxha, iu gjetën mbetjet mortore pas 27 vjetësh 
Koci: Sa herë ka hetime për krime lufte në Kosovë, ka arrestime në Serbi 
Islami: Serbia po përdor arrestimet për të barazuar viktimën me kriminelin 
Hoxha: Hapja e konsullatës serbe në Shkodër s’nënkupton pandjeshmëri ndaj Kosovës