Në dy ditët e ardhshme s’do të ketë diskutime për mandatarin nga presidentja

Prishtinë 28 Tetor 2025
Së paku në dy ditët e ardhshme nuk do të ketë veprime në funksion të caktimit të ri të mandatarit, që duhet ta bëjë presidentja Vjosa Osmani.

Ajo ka mbërritur në Arabinë Saudite për të marrë pjesë në forumin “Iniciativa për Investime në të Ardhmen”, i cili është hapur të hënën e do të përmbyllet të mërkurën.

Osmani ka dhjetë ditë në dispozicion për zhvillimin e diskutimeve me përfaqësues të partive politike në lidhje me caktimin e mandatarit, pasi kryetari i Vetëvendosjes, Albin Kurti, ka dështuar të sigurojë mjaftueshëm vota të dielën në Kuvend, për ta formuar qeverinë e re.