Prishtinë, 24 tetor 2025
Drejtori i Përgjithshëm i Administratës Tatimore të Kosovës, Mentor Hyseni, përmes një video mesazhi u është drejtuar qytetarëve të vendit dhe tatimpaguesve, për vizionin dhe parimet e tij, në udhëheqjen e këtij institucioni.
Për qasjen e re, me përgjegjësi dhe transparencë, Hyseni tha se ai me ekipin e tij do të punojnë me integritet, drejtësi dhe efikasitet.
“Është një nder dhe përgjegjësi e madhe për mua që kam marrë detyrën si drejtor i Përgjithshëm i Administratës Tatimore të Kosovës. Parimet me të cilat do të punoj unë dhe ekipi im, është integriteti në çdo veprim, drejtësi në çdo vendim dhe efikasitet në çdo shërbim”, tha ai.
“Integritet sepse besimi fitohet kur fjala dhe veprimi janë një dhe jemi të ndershëm dhe të drejtë ashtu siç kërkojmë nga qytetarët. Drejtësi sepse çdo qytetar ka të drejtë të ankohet pa frikë. Kemi fuqizuar Kodin Disiplinor që çdo inspektor të mbajë përgjegjësi për veprimet e veta. Efikasitet sepse po e bëjmë deklarimin më të thjeshtë e më të saktë, përmes digjitalizimit të vazhdueshëm të shërbimeve”, ka thënë Hyseni.
Në fund, mbi të gjitha, drejtori i ATK-së tha se “qëllimi ynë kryesor do të jetë edukimi dhe jo ndëshkimi”.
Gjendet municion në varrezën masive në Zubin-Potok 
Investim prej 3.7 milionë eurosh për modernizimin e rrugës Livadhet e Istogut–Mokna 
Kurti emëron një ish-ushtar të UÇK-së, në krye të Komisionit për Persona të Zhdukur 
Serbia arreston një person për zbulim të informatave për varreza masive, Hoti: E vërteta nuk fshihet 
Nis gjykimi në mungesë ndaj 21 të akuzuarve për krime lufte në Reçak 
Serbia vazhdon diskriminimin, asnjë shqiptar nga Lugina e Preshevës mes 400 zjarrfikësve të punësuar së fundi 
Më 6 gusht seanca e Kuvendit, Haxhiu iu dërgon ftesë deputetëve të zgjedhur