Osmani: Përgjigjja ndaj agresorit është të kesh aleanca të forta

Prishtinë 23 Tetor 2025

Presidentja e shtetit, Vjosa Osmani, gjatë fjalimit të saj në Universitetin e Berlinit, tha se Serbia, dora e zgjatur e Rusisë, vazhdimisht përpiqet ta dëmtojë sovranitetin e Kosovës, përmes destabilizimit, dezinformimit dhe duke përkrahur grupet terroriste kriminale.Por, tha ajo, Kosova nuk frikësohet. Përgjigjja ndaj agresorit që maskohet si paçebërës,  sipas  Osmanit, është të kesh aleanca të forta.“Kosova nuk do të frikësohet. E dimë se si veprojnë agresorët, çfarë mund të bëjnë dhe çfarë do të bëjnë nëse nuk i ndalim ne së bashku. Përfundimisht përgjigjja ndaj dhunës është sundimi i së drejtës, përgjigjja ndaj propagandës është e vërteta, përgjigja ndaj frikës është guximi i përbashkët e i ringjallur, e më me rëndësi, përgjigjja ndaj agresorit që maskohet si paçebërës është të kesh aleanca të forta. Vetëm aleanca e demokracive mund të kthejë prapa ata që synojnë të na kthejnë neve prapa”, vijoi Osmani.Tutje, Osmani  para audiencës në fjalimin e saj me temën ,”Mbrojtja e Demokracisë në Shekullin e 21-të: Mësime nga Republika më e Re e Evropës”, tha se nga përvoja kanë mësuar tri mësime për mbrojtjen e demokracisë.“Mësimi i parë është që, liria nuk guxon të merret si e mirëqenë. Evropa e ka mësuar këtë shumë herë më parë. Liria duhet të mbrohet çdo ditë, do të thotë përbashkim kundër agresorëve”, tha Osmani.Mësimi i dytë, sipas presidentes së Kosovës, është se nuk mund të ketë paqe pa drejtësi.