Ulutash pret Sorensenin e Barbanon, flasin për sigurinë dhe dialogun

Prishtinë 23 Tetor 2025

Komandanti i KFOR-it, Ozkan Ulutash, ka zhvilluar një ditë më parë takim me emisarin special të BE-së për dialogun, Kosovë-Serbi, Peter Sorensen si dhe shefin e misionit të EULEX-it në Kosovë, Giovanni Pietro Barbano.

Sipas njoftimit të shpërndarë sot nga misioni i KFOR-it, bëhet e ditur se takimi i kësaj tresheje është përqendruar në situatën e sigurisë, stabilitetin rajonal e dialogun.“Takimi u përqendrua në situatën e sigurisë në Kosovë, stabilitetin rajonal dhe mbështetjen e vazhdueshme të KFOR-it për dialogun e lehtësuar nga BE-ja midis Beogradit dhe Prishtinës”, thuhet në njoftimin e KFOR-it për këtë takim.Tutje, bëhet e ditur se komandanti i KFOR-it, Ulutash ka nënvizuar angazhimin e misionit që drejton, për bashkëpunim të vazhdueshëm me BE-në e partnerë të tjerë.“Gjeneral Major Ulutash nënvizoi angazhimin e KFOR-it ndaj misionit të tij të mandatuar nga OKB-ja dhe ndaj bashkëpunimit të tij të vazhdueshëm me Bashkimin Evropian dhe partnerë të tjerë. Vizita nënvizoi angazhimin e gjatë dhe të palëkundur të NATO-s dhe BE-së për të punuar së bashku për të konsoliduar një mjedis të qëndrueshëm dhe të sigurt për të gjitha komunitetet që jetojnë në Kosovë dhe stabilitetin rajonal”, thuhet tutje në njoftim.KFOR-i ripërsëritë se vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, “për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme”, thuhet në njoftim për këtë takim mes komandantit të KFOR-it, Ulutash, me emisarin special të BE-së, Sorensen dhe shefin e EULEX-it, Barbano.