Fushatë me thirrje për ‘serbizëm’ dhe përçarje etnike në Mitrovicë

Mitrovicë e Veriut, 13 shtator

Lista Serbe, në hapje të fushatës parazgjedhore që filloi sot në shkollën teknike në Mitrovicë të Veriut, e nisi me brohoritje për ter*roristin Milan Radojȼiȼ, duke e quajtur edhe vëlla.

Duke u dëshmuar përpjekja e vazhdueshme e politikës destruktive serbe tek populli serb në veriun e Kosovës, në takimin e sotëm parazgjedhor të Listës Serbe, u tha se mbështetja e Serbisë do të thotë shumë, veçanarisht e presidentit të Serbisë, Aleksandar Vuçiç.

Në hapje të kësaj fushate, kryetari i Listës Serbe, Zlatan Elek, u shpreh se Mitrovica e Veriut mbetet bastioni jo bvetëm politik, por edhe i cdo gjëje serbe. Duke iu referuar kryetarit aktual të Komunës, Erden Atiq, Elek tha: Po vjen dita kur me laps mund ta shkarkojmë këtë, mund të them lirisht, ish-kryetar të Mitrovicës së Veriut. Me qëllim e kemi nisur fushatën këtu, sepse ky qytet është bastioni i serbizmit, i lirisë. Dhe këtu tregojmë se nuk jemi të mundur, se jemi në qytetin tonë, se jemi të bashkuar, të njëzëshëm dhe më të fortë se kurrë më parë.”

K andidati i Listës Serbe për kryetar të Komunës së Mitrovicës së Veriut, Milan Radojeviq, iu drejtua turmës.

“Popull i Mitrovicës, më lejoni t’ju dëgjoj. A duam liri? A duam qytetin tonë? A duam që Mitrovica jonë të na rikthehet neve?!”, të cilës iu përgjigj me britma: “Atiq largohu!”. Ai falënderoi bashkëqytetarët e tij të Mitrovicës për mbështetjen e tyre më 9 shkurt, dhe më pas u tha atyre se tani hapi i dytë, sipas tij, shumë më i rëndësishëm është në rrugë e sipër”, ka thënë Milan Radojeviç, kandidati për kryetar të Komunës së Mitrovicës së Veriut.

Ndërkaq bartësi i Lilstës Ivan Zaporozac tha se Lista Serbe duhet të fitojë, për arsye se, siç tha ai, “Sepse na duhet për të mbijetuar dhe për të qëndruar në këto zona”.