Prishtinë, 28 gusht 2025
Kryetari i Komisionit Qendror të Zgjedhjeve (KQZ), Kreshnik Radoniqi, ka pritur në takim të dërguarin e posaçëm të Francës, Rene Troccaz, me të cilin ka diskutuar për përgatitjet e procesit zgjedhor lokal të planifikuar të mbahet më 12 tetor.
Sipas njoftimit të KQZ-së, Radoniqi e informoi Troccaz-in mbi hapat konkretë që institucioni ka ndërmarrë, si dhe për aktivitetet që janë duke u zhvilluar aktualisht për garantimin e një procesi zgjedhor të lirë, të drejtë dhe transparent. Ai gjithashtu ka theksuar rëndësinë e bashkëpunimit me partnerët ndërkombëtarë për avancimin e standardeve demokratike në Kosovë.
Në takim morën pjesë edhe Gabrielle Juve, redaktore për Kosovën në Ministrinë e Jashtme të Francës, si dhe ambasadori francez në Kosovë, Olivier Guerot.
Nga ana tjetër, i dërguari francez Troccaz e vlerësoi punën e KQZ-së si një institucion i pavarur dhe shprehu mbështetjen e tij për mbajtjen e zgjedhjeve të lira dhe demokratike në vend.
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani 
Konstituimi i Kuvendit, Haxhiu fton në takim kryetarët e partive 
Shqipëria i përgjigjet Vuçiqit: Retorika nacionaliste s’mund ta tërheqë zvarrë rajonin 
Kamberi: Propozim për rezolutë që trajton krimet e luftës në Kosovë 
Këshilli i Partisë Demokratike Popullore në Nikshiq nis një iniciativë drejtuar Asamblesë së Qytetit për të tërhequr njohjen e Kosovës 
Ministri francez për Evropën arrin në Kosovë për vizitë zyrtare 
Drita kualifikohet në raundin e tretë të Conference League 
Familjarët e të pagjeturve mirëpresin nisjen e gërmimeve në Zubin Potok 
Sveçla, nga Zubin-Potoku: Nuk do të ndalemi deri në gjetjen e trupit të fundit