Prishtinë, 28 Gusht 2025
Avokati serb, Ivan Niniq, ka deklaruar se fushata e kërcënimeve dhe targetimeve ndaj tij ka nisur rreth një muaj më parë, pasi në një tubim publik përmendi emrin e Milan Radoiçiqit dhe kërkoi përgjegjësi për ngjarjet e Banjskës.
Ai theksoi se që nga ajo ditë është shpallur “agjent shqiptar” nga mediat e afërta me regjimin e Vuçiqit dhe faqe të rreme në internet, si pjesë e një fushate propagandistike për ta diskredituar.
“Targetimi im dhe kërcënimet nisën pikërisht kur e përmenda emrin e Radoiçiqit. Narrativi i tyre është se unë jam zëdhënës i Albin Kurtit, vetëm pse kërkoj përgjegjësi për atë që ndodhi në Banjskë”, u shpreh Niniq, raporton e përditshmja beogradase “Danas”.
Ai ka deklaruar se do t’i kërkojë Ministrisë së Brendshme të Serbisë një vlerësim të sigurisë së tij, por jo mbrojtje policore, pasi, sipas tij, e njëjta polici ka rrahur studentë dhe ka mbrojtur “Jovanjicën”, të cilën e cilëson si plantazhin më të madhe të marihuanës në Evropë.
“Ky sistem është kriminalizuar dhe polarizuar thellë. Vuçiq qeveris vetëm përmes propagandës dhe represionit. Zgjidhja e vetme janë zgjedhjet e jashtëzakonshme në të gjitha nivelet”, u shpreh Niniq.
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani 
Konstituimi i Kuvendit, Haxhiu fton në takim kryetarët e partive 
Shqipëria i përgjigjet Vuçiqit: Retorika nacionaliste s’mund ta tërheqë zvarrë rajonin 
Kamberi: Propozim për rezolutë që trajton krimet e luftës në Kosovë 
Këshilli i Partisë Demokratike Popullore në Nikshiq nis një iniciativë drejtuar Asamblesë së Qytetit për të tërhequr njohjen e Kosovës 
Ministri francez për Evropën arrin në Kosovë për vizitë zyrtare 
Drita kualifikohet në raundin e tretë të Conference League 
Familjarët e të pagjeturve mirëpresin nisjen e gërmimeve në Zubin Potok 
Sveçla, nga Zubin-Potoku: Nuk do të ndalemi deri në gjetjen e trupit të fundit