Avokati Artan Qerkini: Gjyqi ndaj ish-krerëve të UÇK-së mund të përfundojë në fillim të vitit 2026

20 gusht 2025

Avokati Artan Qerkini ka deklaruar se procesi gjyqësor ndaj ish-krerëve të UÇK-së në Hagë mund të arrijë epilogun e tij në fillim të vitit 2026.

Sipas tij, një përfundim i tillë varet nga shumë faktorë që lidhen me ecurinë e procedurës.

“Në bazë të rrjedhave të deritanishme, epilogu mund të pritet ndoshta nga fillimi i vitit që vjen. Kjo do të varet nga shumë elementë – nga kohëzgjatja e dëshmive të dëshmitarëve të ftuar nga mbrojtja, vonesat e mundshme në thirrjen e tyre, si dhe nga fjalët përfundimtare, të cilat pritet të marrin kohë të konsiderueshme,” tha Qerkini.

Procesi në Hagë, i cili ka tërhequr vëmendje të madhe publike dhe politike, ka hyrë në një fazë ku pritet të përcaktohen drejtimet përfundimtare të procedurës.