Prishtinë, 18 Gusht 2025
Prokuroria Speciale ka ngritur aktakuzë ndaj një personi me inicialet S.C. për veprën penale “Nxitje e përçarjes dhe mosdurimit”.
Sipas aktakuzës, i pandehuri S.C. akuzohet se ka nxitur urrejtje ndërmjet grupeve etnike në Kosovë përmes veprimeve publike të tij gjatë një feste me karakter fetar.
“I pandehuri S.C., më 10.06.2025, në Komunën e Shtërpcës, me dashje dhe qëllimisht ka nxitur urrejtje dhe mosdurim ndërmjet grupeve etnike në Republikën e Kosovës, përmes veprimeve publike të tij në një festë me karakter fetar”, thuhet në njoftimin e Prokurorisë Speciale.
Me këto veprime, sipas aktakuzës, i pandehuri ka kontribuar në prishjen e rendit dhe sigurisë publike në Kosovë.
“Prokuroria Speciale i ka propozuar Gjykatës Themelore në Prishtinë që, pas shqyrtimit gjyqësor, i pandehuri të shpallet fajtor për veprën penale që i vihet në barrë dhe ndaj tij të shqiptohet dënim konform ligjit në fuqi”, përfundon njoftimi.
Familjarët e të pagjeturve mirëpresin nisjen e gërmimeve në Zubin Potok 
Sveçla, nga Zubin-Potoku: Nuk do të ndalemi deri në gjetjen e trupit të fundit 
Instituti i Mjekësisë Ligjore: Mbetjet mortore në Zubin-Potok janë të njerëzve, puna do të vazhdojë 
Gjenden mbetje mortore, dyshohet se janë të 23 intelektualëve shqiptarë të zhdukur gjatë luftës në Kosovë 
Marrëveshje bashkëpunimi mes ministrive, FSK pjesë e aksioneve për ambient të pastër 
Njësitet e Policisë, EULEX-it në lokacionin e dyshuar për varrezë masive në Kalludër të Zubin Potokut 
Drita kualifikohet në raundin e tretë të Conference League 
Kongresisti Wilson i kërkon Serbisë t’i ndalë kërcënimet ndaj Kosovës dhe të shkëputet nga Rusia, Kina e Irani