18 gusht, 2025
Drejtori i Agjencisë për Menaxhim Emergjent, Genc Metaj, ka deklaruar se Kosova është përballur me një situatë të rënduar nga zjarret në fillim të muajit gusht.
Sipas tij, vetëm gjatë javës së dytë të gushtit janë regjistruar mesatarisht 90 vatra zjarri në ditë, ndërsa në javën e parë të muajit ishin rreth 60 vatra në ditë.
“Kemi pasur zjarre shumë të rënda në disa fshatra afër qyteteve, por edhe në zona malore, ku përhapja e flakëve ka qenë e shpejtë, duke rrezikuar jetën e njerëzve dhe duke shkaktuar dëme të konsiderueshme, përfshirë djegien e shtëpive”, tha Metaj në një intervistë për RTK.
Ai theksoi se një pjesë e madhe e zjarreve dyshohet se janë të qëllimshme.
Nuk janë vetëm temperaturat e larta dhe materiali i thatë shkaktarët kryesorë. Një pjesë e konsiderueshme e zjarreve po ndizen qëllimisht, shpesh për arsye biznesore ose nga bujq që djegin arat për t’i punuar më lehtë”, shtoi Metaj.
Drejtori i Agjencisë paralajmëroi se rreziku për përhapjen e vatrave të mëdha mbetet shumë i lartë për shkak të kushteve atmosferike dhe terrenit të ngarkuar me bimësi të thatë.
Sveçla, nga Zubin-Potoku: Nuk do të ndalemi deri në gjetjen e trupit të fundit 
Instituti i Mjekësisë Ligjore: Mbetjet mortore në Zubin-Potok janë të njerëzve, puna do të vazhdojë 
Gjenden mbetje mortore, dyshohet se janë të 23 intelektualëve shqiptarë të zhdukur gjatë luftës në Kosovë 
Marrëveshje bashkëpunimi mes ministrive, FSK pjesë e aksioneve për ambient të pastër 
Njësitet e Policisë, EULEX-it në lokacionin e dyshuar për varrezë masive në Kalludër të Zubin Potokut 
Shaqir Lutvija dënohet me 10 vjet burgim për krime lufte 
Një i vdekur dhe një i lënduar nga shembja e vinçit në Prishtinë