Prishtinë, 14 Gusht 2025
Prokuroria Speciale e Kosovës ka ngritur aktakuzë ndaj M.M. dhe A.B., të dyshuar për veprën penale “Nxitja e përçarjes dhe mosdurimit”.
Sipas aktakuzës, ata akuzohen se kanë nxitur dhe përhapur publikisht urrejtje ndërmjet grupeve fetare, si dhe kanë propaganduar ideologji ekstremiste fetare, duke ndjekur metodat e organizatës terroriste Shteti Islamik (ISIS).
Prokuroria pretendon se M.M. ka bërë thirrje për masakra ndaj hebrenjve dhe të krishterëve, përmes postimeve në rrjetin social Facebook, ku ka publikuar foto e video të personave të radikalizuar dhe ka shpërndarë thirrje të hapura për ekstremizëm fetar.
Ndërsa A.B. akuzohet se ka bërë thirrje për respektimin e ligjeve të “Sheriatit” dhe për kundërshtimin e sistemit demokratik, simboleve dhe ligjeve të Republikës së Kosovës.
Po ashtu, sipas aktakuzës, nga viti 2019 deri më 22 maj 2025, A.B., duke përdorur profilin në Facebook me emrin “Ubejdullah Abu Suhejla”, ka shpërndarë materiale me përmbajtje nxitëse dhe ka bërë thirrje për t’iu bashkuar luftës për “xhihad”.
“Prokuroria Speciale riafirmon përkushtimin e saj për ndjekjen dhe hetimin e veprave të tilla penale, të cilat cenojnë rëndë vlerat demokratike dhe bashkëjetesën ndërmjet grupeve etnike e fetare që jetojnë në Republikën e Kosovës”, thuhet në njoftimin zyrtar.
Dëshmitari në rastin “Ibër-Lepenci”: 20 nga 24 mostrat përputheshin me ADN-në e të akuzuarit Viqentijeviq 
Punimet në Parkun Industrial në Frashër avancojnë, shtohet interesi i bizneseve për investime 
Aktakuzë ndaj 57-vjeçarit që qëlloi me kallashnikov drejt autobusit në Malishevë 
Murati nënshkruan marrëveshje 60 milionë euro me Agjencinë Franceze për Zhvillim për projektin e Lojërave Mesdhetare “Prishtina 2030” 
Shtyhet aktgjykimi ndaj Milorad Gjokoviqit 
Nga sot hapet aplikimi për subvencionimin e teksteve shkollore 
Këshilli i Partisë Demokratike Popullore në Nikshiq nis një iniciativë drejtuar Asamblesë së Qytetit për të tërhequr njohjen e Kosovës