Qytetarëve në veri u shkojnë mesazhe të rreme për gjoba – MTS mohon përfshirjen

Prej disa ditësh, banorëve të komunitetit serb në veri të Kosovës u kanë mbërritur SMS në gjuhën cirilike, ku pretendohet se duhet të paguajnë një “gjobë për shkelje të rregullave të komunikacionit” përmes një linku. Në mesazh paralajmërohet se, nëse pagesa nuk kryhet, leja e vozitjes do të pezullohet.

Sipas MTS DOO në veri të Mitrovicës, këto mesazhe nuk janë dërguar nga kompania e tyre, por janë një formë mashtrimi “phishing” për të vjedhur të dhënat personale. Ata theksojnë se të dhënat e klientëve janë plotësisht të sigurta.

Kryesuesi i Kuvendit Komunal të Mitrovicës së Veriut, Nexhat Ugljanin, thotë se një mesazh i tillë i ka mbërritur edhe nënkryetares së komunës, si dhe disa personaliteteve të tjera në pozita të larta.