Prishtinë, 23 shtator 2026 08:43
Ekspertja për siguri dhe marrëdhënie ndërkombëtare, Ivana Stradner, ka komentuar zhvillimet politike në Serbi në prag të zgjedhjeve të parakohshme parlamentare, duke tërhequr vëmendjen te raportet e Beogradit me Moskën.
Stradner ka deklaruar se, derisa Serbia po përgatitet për zgjedhjet e tetorit, përfaqësues të Qeverisë serbe po marrin pjesë në Rusi në një panel që lidhet me sovranitetin zgjedhor.
Regjimi i Vuçiqit po përgatitet për zgjedhjet në tetor dhe Qeveria e Serbisë po merr pjesë në një panel për sovranitetin zgjedhor në Rusi, ku Lavrov sapo mbajti një fjalim”, ka shkruar Stradner.
Deklarata e saj vjen në kohën kur Serbia ka hyrë zyrtarisht në fushatë për zgjedhjet e parakohshme parlamentare.
Presidenti serb, Aleksandar Vuçiq, më 9 shtator shpërndau Kuvendin dhe caktoi zgjedhjet e parakohshme parlamentare për 25 tetor 2026. Vendimi u mor pas propozimit të Qeverisë së Serbisë të 7 shtatorit.
Stradner, e cila është hulumtuese në Foundation for Defense of Democracies, ka ngritur edhe më herët shqetësime lidhur me mundësinë e ndërhyrjes së huaj në proceset politike dhe zgjedhore në Serbi.
Në një dëshmi të publikuar më 16 shtator, ajo e cilësoi procesin zgjedhor të 25 tetorit si një moment të rëndësishëm për Serbinë, duke ngritur çështjen e ndikimit të huaj dhe integritetit të zgjedhjeve.
Të paktën 20 të vrarë dhe 15 të plagosur nga sulmet në një treg në Jemen 
Kërcënimet për bomba alarmojnë Evropën, disa avionë detyrohen të bëjnë ulje të paplanifikuara 
Demokratët marrin kontrollin e të dy dhomave të Kongresit amerikan, goditje politike për Trumpin 
Zbuten tensionet SHBA-Iran, çmimi i naftës bie 6.7 për qind 
Spajiç kërkon hetim parlamentar për ndikimin e mundshëm të Serbisë në mediat dhe bizneset e Malit të Zi 
Miliband: Rusia nuk po e fiton luftën në Ukrainë 
Kosova me synime për dy sfidat e fundit në Ligën e Kombeve, publikohet lista 
Aksident fatal te Stacioni i Autobusëve, humb jetën një këmbësore 
BQK-ja dorëzon aplikimin për anëtarësimin e Kosovës në SEPA, synohen pagesa më të lira dhe më të shpejta 
Kurti: 20 baza policore janë ndërtuar e fuqizuar në veri të Kosovës