Mitrovicë, 9 shtator 2026 17:12
Zyrtarë policorë të Drejtorisë Rajonale të Policisë në Mitrovicë të Veriut kanë marrë pjesë të mërkurën në një aksion humanitar për dhurimin vullnetar të gjakut.
Aksioni është organizuar në bashkëpunim me Qendrën Kombëtare të Kosovës për Transfuzionin e Gjakut dhe ka nisur në orën 11:00, në objektin e Drejtorisë Rajonale të Policisë në Mitrovicë të Veriut.
Sipas Policisë, zyrtarët kanë dhuruar gjak vullnetarisht, duke shprehur solidaritet dhe gatishmëri për të kontribuar në shpëtimin e jetëve dhe në të mirë të qytetarëve pa dallim.
Policia e Kosovës ka theksuar se misioni i saj nuk kufizohet vetëm në ruajtjen e rendit dhe sigurisë publike, por përfshin edhe mbështetjen dhe përkujdesjen ndaj komunitetit përmes nismave humanitare.
Drejtoria Rajonale e Policisë në Mitrovicë të Veriut ka shprehur mirënjohje për të gjithë zyrtarët që iu përgjigjën kësaj nisme dhe kontribuuan vullnetarisht në aksionin për dhurimin e gjakut.
Sipas Policisë, iniciativa të tilla synojnë të forcojnë solidaritetin dhe bashkëpunimin me qytetarët, duke e vënë në funksion të komunitetit edhe kontributin humanitar të zyrtarëve policorë.
Kurti: Aktgjykimi ndaj ish-krerëve të UÇK-së duhet të korrigjohet sa më parë 
Aktivistët në Serbi po i heqin grafitet “Kur ushtria të kthehet në Kosovë” 
Gjykata cakton paraburgim për dy të dyshuar për krime lufte 
Qelaj: Gjykata Speciale ka shkelur të drejtat e njeriut në rastin e ish-krerëve të UÇK-së 
Banka Botërore ndan 6.8 milionë dollarë shtesë për shëndetësinë në Kosovë 
Dorëhiqet drejtori i Përgjithshëm i Policisë së Kosovës, Gazmend Hoxha 
Kërcënohen me vrasje Ramush dhe Daut Haradinaj 
As serbët nga veriu i Kosovës nuk i dhanë mbështetje të plotë Aleksandar Vuçiçit