Një person ka vdekur në Qendrën Klinike Universitare të Kosovës (QKUK), pasi ishte lënduar në një aksident trafiku të ndodhur më 24 gusht në rrugën Podujevë–Prishtinë.
Zëdhënësja e Policisë së Kosovës për rajonin e Prishtinës, Flora Ahmeti, ka bërë të ditur se viktima ishte këmbësor.
“Sot, rreth orës 10:00, nga QKUK kemi pranuar informatën se këmbësori, i cili ishte lënduar në aksidentin e trafikut të ndodhur mbrëmë në rrugën Podujevë–Prishtinë, ka ndërruar jetë. Me vendim të prokurorit, trupi i pajetë është dërguar për obduksion”, ka thënë Ahmeti.
Në lidhje me rastin, Policia ka arrestuar shoferin e dyshuar, i cili pas aksidentit ishte larguar nga vendi i ngjarjes.
Sipas policisë, pas aksidentit hetuesit e Njësitit Rajonal të Trafikut kanë ndërmarrë veprime për identifikimin dhe lokalizimin e të dyshuarit.
“Personi i dyshuar pas intervistimit, me vendim të prokurorit, është dërguar në mbajtje”, ka bërë të ditur Ahmeti.
Rasti po hetohet nga autoritetet përkatëse.
Gjykata i shpall të pafajshëm tre të akuzuarit për vrasjen e trefishtë në Gllogjan 
18-vjeçari nga Kosova gjendet pa shenja jete në det në Shëngjin 
49-vjeçari humb jetën pasi ra nga lartësia gjatë punës në Veternik 
Vrasja e gruas shtatzënë në Malishevë: I plagosuri në gjendje të rëndë 
Babë e bir të vrarë në Dukagjin, policia jep detaje për rastin 
Pas pamjeve të dhunës ndaj të miturës, Policia e Kosovës arreston të dyshuarën 
Në Muzeun e Burgut të Prishtinës rikthehet historia e “Ilegales” shqiptare 
Ambasada amerikane: Mbështesim hetimin e krimeve të luftës në Kosovë, familjet e viktimave meritojnë drejtësi 
28 vjet nga vrasja e 11 anëtarëve të familjes Asllani 
Zhvillohet takimi, drejtuesve të Trepçës u prezantohet oferta e donatorëve nga Amerika