​Drita kërkon sot kualifikimin në “play-off” ndaj Tre Fiorit

Prishtinë, 13 gusht 2026  9:42

Drita do të kërkojë të bëjë edhe një hap drejt fazës së “play-off”-it Ligës së Konferencës, kur sonte do të përballet me Tre Fiori në ndeshjen e dytë të rrethit të tretë kualifikues.

Skuadra gjilanase është shumë pranë sigurimit të një vendi në “play-off”-in e Ligës së Konferencës, pasi në ndeshjen e parë ndaj Tre Fiorit triumfoi me rezultat të thellë 4-1 në udhëtim, ndërsa tash gjilanasit synojnë ta menaxhojnë këtë epërsi dhe ta vulosin kualifikimin në ndeshjen e kthimit në stadiumin “Fadil Vokrri”.

Ndërkohë, Drita do ta ketë përballë kampionin e San Marinos, Tre Fiori, në një sfidë që pritet të përcaktojë skuadrën që do të vazhdojë rrugëtimin në garat evropiane.
Përballja në Prishtinë vjen në një moment të rëndësishëm të sezonit, pasi kualifikimi në “play-off” do t’i afronte edhe më shumë Dritën me një tjetër paraqitje në fazën e avancuar të garave të UEFA-s.