Prishtinë, 11 gusht 2026 20:45
Komandanti i Forcës së Sigurisë së Kosovës, Gjenerallejtënant Bashkim Jashari, ka pritur në takim Senatoren e Shteteve të Bashkuara të Amerikës për shtetin e Ajovës, Joni K. Ernst.
Senatorja Ernst ishte e shoqëruar nga e ngarkuara me punë në Ambasadën e SHBA-së në Prishtinë, Anu Prattipati dhe Agjutantin e përgjithshëm të Ajovës, Gjeneral Major Stephen Osborn.
Gjatë takimit, sipas njoftimit, Gjenerallejtënant Jashari e ka falënderuar senatoren Ernst për vizitën dhe për mbështetjen e vazhdueshme të Shteteve të Bashkuara të Amerikës ndaj Republikës së Kosovës dhe FSK-së.
“Në takim u diskutua për zhvillimet aktuale dhe të ardhmen e FSK-së, prioritetet e saj, si dhe për rëndësinë e bashkëpunimit të vazhdueshëm me Shtetet e Bashkuara të Amerikës. Po ashtu, u shkëmbyen qëndrime lidhur me zhvillimet aktuale të sigurisë dhe sfidat e përbashkëta.”, thuhet në njoftim.
Në fund të takimit, sipas njoftimit, Jashari shprehu mirënjohjen për senatoren Ernst për vizitën dhe për kontributin e saj në forcimin e bashkëpunimit ndërmjet Republikës së Kosovës dhe Shteteve të Bashkuara të Amerikës, duke theksuar rëndësinë e thellimit të mëtejshëm të partneritetit dhe marrëdhënieve bilaterale në fushën e mbrojtjes dhe sigurisë.
Për kontributin në Kosovë, Maqedonci nderon me medalje senatoren Joni Ernst 
FSK fuqizohet me investime të reja në infrastrukturë për kazermën në Devë 
Nga prania ndërkombëtare te përgjegjësia vendore: Kosova dëshmon forcimin e sigurisë 
Siguria e Kosovës dhe sfidat ndërkombëtare, në fokus të Konferencës së Ambasadorëve 
Sveçla: Përgjegjësia për sigurinë në Urën e Mitrovicës do t’i kalojë gradualisht Policisë së Kosovës 
Policia e Kosovës merr përgjegjësinë për sigurinë e Manastirit të Deçanit 
SHBA reagon ndaj deklaratave të Vuçiqit për Ibrin 
Kurti kërkon që Bondsteeli të bëhet bazë e përhershme ushtarake amerikane në Kosovë