Prishtinë, 17 korrik 2026 21:03
Pacientët që vuajnë nga sëmundjet e rralla pritet të përfitojnë mbështetje të re financiare për sigurimin e terapive të nevojshme, pasi Ministria e Shëndetësisë ka paraparë mbi 5.1 milionë euro për furnizimin me barna të specializuara.
Ky financim synon të garantojë qasje më të qëndrueshme në trajtime për pacientët që përballen me diagnoza të rralla, të cilat shpesh kërkojnë terapi të kushtueshme dhe afatgjata.
Barnat e planifikuara përfshijnë terapi që përdoren në trajtimin e sëmundjeve hematologjike, neurologjike dhe autoimune, duke ofruar mundësi më të mira për menaxhimin e këtyre gjendjeve.
Për këtë qëllim Ministria e Shëndetësisë ka nisur procedurat e prokurimit publik, për furnizim me barna për trajtimin e sëmundjeve të rralla.
Mbështetja financiare është një hap i rëndësishëm drejt përmirësimit të kujdesit për këtë kategori pacientësh, të cilët prej vitesh janë përballur me sfida në sigurimin e terapive për shkak të kostos së lartë dhe disponueshmërisë së kufizuar.
Përmes këtij investimi, synohet të sigurohet vazhdimësia e trajtimit dhe të rritet cilësia e shërbimeve shëndetësore për pacientët me sëmundje të rralla në Kosovë.
Policia e Kosovës mohon akuzat e Kishës Ortodokse Serbe: Nuk ushtrojmë presion ndaj komunitetit serb 
Policia dhe Prokuroria Speciale riafirmojnë angazhimin për zbardhjen e masakrave të luftës 
Kosova për herë të parë në Olimpiadën e Inteligjencës Artificiale 
Shkëputen kontratat e punës për 20 zyrtarë të MMPH-së nga komuniteti serb 
Qeveria merr disa vendime, ndan sërish mjete për libra për nxënësit e Luginës 
Investime në infrastrukturë, rehabilitohen skarpatet e Autoudhës “Ibrahim Rugova” 
Tre persona arrestohen për mashtrim me dokumente të falsifikuara për pronën në vlerë mbi një milionë euro