Prishtinë, 17 qershor 2026 19:48
Numërimi i votave të zgjedhjeve të 7 qershorit është përmbyllur dhe është konfirmuar përbërja e re e Kuvendit të Kosovës.
Lëvizja Vetëvendosje ka fituar 47.13% të votave dhe 53 ulëse në Kuvend, duke u renditur si subjekti i parë.
Partia Demokratike e Kosovës ka marrë 19.44% dhe 22 mandate, ndërsa Lidhja Demokratike e Kosovës 16.69% dhe 18 ulëse. Aleanca për Ardhmërinë e Kosovës ka siguruar 6.74% dhe 7 mandate.
Sipas KQZ-së, në orën 14:30 është përfunduar numërimi i votave me postë nga diaspora, ndërsa në orën 18:30 është përmbyllur edhe numërimi i votave me kusht dhe i votuesve me nevoja të veçanta.
Nga data 8 deri më 17 qershor 2026, në 38 Qendra Komunale të Numërimit është bërë verifikimi i rezultateve të subjekteve politike nga 2,498 vendvotime dhe numërimi i votave të kandidatëve për deputetë. Në Qendrën e Numërimit dhe Rezultateve janë numëruar votat nga përfaqësitë diplomatike, votat me postë, votat me kusht dhe ato të personave me nevoja të veçanta.
KQZ përfundon numërimin e votave me postë, përditësohen rezultatet e zgjedhjeve 
Sot përfundon numërimi i votave me postë, në mëngjes fillon numërimi i atyre me kusht 
Elezi: Numërimi i votave me postë pritet të përfundojë në mesjavë, pason numërimi i votave me kusht 
Sot fillon numërimi i fletëvotimeve nga votimi në përfaqësitë diplomatike 
Përfundon numërimi i votave të zgjedhjeve të 7 qershorit 
Avokati i Thaçit i reagon Speciales: Çdo ankesë e të akuzuarve u refuzua nga Apeli 
Haxhiu bën homazhe për Ukshin Hotin në ditëlindjen e tij 
Arrestohen tre persona të dyshuar për falsifikim dokumentesh dhe keqpërdorim të pozitës zyrtare