Prishtinë 11 Qershor 2026 14:00
Zëvendëskryeministrja dhe Ministrja e Drejtësisë në detyrë, Donika Gërvalla, ka theksuar rëndësinë e sundimit të ligjit dhe forcimit të sistemit të drejtësisë gjatë një vizite në Prokurorinë Themelore në Pejë.
Përmes një postimi në Facebook, Gërvalla bëri të ditur se gjatë takimit me Kryeprokuroren Lumturije Vuçetaj dhe ekipin e saj, është diskutuar për funksionimin institucional të sistemit prokurorial, si dhe sfidat në garantimin e efikasitetit dhe koordinimit në trajtimin e lëndëve.
Ajo theksoi se pakoja prej pesë ligjeve, së bashku me funksionalizimin e Byrosë Shtetërore për Verifikimin dhe Konfiskimin e Pasurisë së Pajustifikueshme dhe procesin e vetingut, përbëjnë bazën kryesore për forcimin e integritetit dhe konsolidimin e sistemit të drejtësisë.
Sipas Gërvallës, bashkëpunimi i ngushtë ndërinstitucional është thelbësor për rritjen e efikasitetit dhe forcimin e besimit të qytetarëve në sundimin e ligjit.
“Fuqia e shtetit nuk matet me fjalë, por me aftësinë për ta bërë ligjin të vlejë njësoj për secilin. Aty ku drejtësia vepron pa kompromis, Republika bëhet më e fortë, institucionet më të besueshme dhe liria e qytetarëve më e sigurt”, ka shkruar ajo.
908 milionë euro të parapara për komunat në projektbuxhetin e vitit 2027 
Dëshmitari në gjykatë: Pantiqi dhe Zariqi ishin të përfshirë në krimet në Istog 
Koeficienti i pagave pritet të rritet në 120 euro nga korriku i vitit 2027, paralajmëron Kurti 
Pantiqi merret në pyetje nga Prokuroria për rastin e Ukshin Hotit 
Dogana e Kosovës arkëton 186.6 milionë euro të hyra gjatë tetorit 
Pantiq e Zariq dalin para Gjykatës si të akuzuarve për krime lufte 
Prokuroria Speciale dhe Policia e Kosovës zhvillojnë aksion në disa lokacione 
Kosova përfaqësohet në takimin evropian të rrjeteve të ansambleve muzikore në Itali 
Zbuten tensionet SHBA-Iran, çmimi i naftës bie 6.7 për qind