Prishtinë 2 Qershor 2026 14:59
Ministri në detyrë i Infrastrukturës dhe Transportit, Dimal Basha ka njoftuar se nga 9 qershori hyn në fuqi udhëzimi administrativ për lëshimin e Certifikatës së Kompetencës Profesionale (CKP).
Basha, përmes një postimi në profilin e tij në rrjetin social Facebook, ka shkruar se ky është një lajm i mirë për shoferët e kamionëve dhe autobusëve të transportit ndërkombëtar.
Sipas tij, nga java e ardhshme kur udhëzimi hyn në fuqi, do të zhbllokohet përfundimisht procesi i certifikimit të shoferëve fillestarë me Certifikatën e Kompetencës Profesionale (CKP), duke eliminuar pengesat e kahmotshme.
Postimi i tij i plotë:
Lajm i mirë për shoferët e kamionëve dhe autobusëve të transportit ndërkombëtar – Nënshkruhet Udhëzimi Administrativ për CKP-në, i cili hyn në fuqi më 9 qershor!
Që nga marrja e mandatit si Ministër i Infrastrukturës dhe Transportit, kam pranuar shqetësime të shumta nga shoferët dhe operatorët e transportit lidhur me vështirësitë e krijuara nga mungesa e bazës së qartë ligjore për lëshimin e Certifikatës së Kompetencës Profesionale (CKP), situatë që kishte ndikuar në gjoba të shumta ndaj tyre dhe vështirësi në kalimin e kufirit.
Për këtë arsye, menjëherë kam ndërmarrë të gjitha veprimet e nevojshme duke formuar grupin punues dhe duke angazhuar të gjitha kapacitetet profesionale për trajtimin e kësaj çështjeje me prioritet. Prandaj, në kohë rekord kemi hartuar dhe finalizuar Udhëzimin Administrativ për Ndryshimin dhe Plotësimin e Udhëzimit Administrativ (MMPHI) nr. 15/2024, të cilin e nënshkrova sot.
Nga java e ardhshme kur Udhëzimi hyn në fuqi, do të zhbllokohet përfundimisht procesi i certifikimit të shoferëve fillestarë me Certifikatën e Kompetencës Profesionale (CKP), duke eliminuar pengesat e kahmotshme
Mjeku që shërbeu në luftë, pas 27 vitesh identifikohet përmes ADN-së 
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës