Prishtinë, 31 maj 2026 08:55
Tri parti politike shqiptare në Mal të Zi kanë formalizuar bashkimin e tyre në një subjekt të vetëm politik, duke krijuar Forumin Shqiptar. Marrëveshja u nënshkrua të shtunën në Tuz nga drejtuesit e Alternativës Shqiptare, Lidhjes Demokratike Shqiptare dhe Unionit Nacional Shqiptar.
Dokumenti i bashkimit u firmos nga lideri i Alternativës Shqiptare, Nik Gjeloshaj, kryetari i Unionit Nacional Shqiptar, Ferhat Dinosha, si dhe kryetari i Lidhjes Demokratike të Shqiptarëve, Ivan Ivanaj.
Sipas marrëveshjes, në krye të subjektit të ri politik pritet të jetë Nik Gjeloshaj, i cili do të udhëheqë procesin e konsolidimit organizativ dhe politik deri në mbajtjen e Kongresit themelues të Forumit Shqiptar.
Me këtë bashkim, tri subjektet synojnë të veprojnë të unifikuara në skenën politike të Malit të Zi dhe të përfaqësojnë interesat e komunitetit shqiptar përmes një platforme të përbashkët.
Gjatë ceremonisë së nënshkrimit, Ferhat Dinosha theksoi se Forumi Shqiptar mbetet i hapur edhe për partitë e tjera shqiptare që nuk iu bashkuan këtij procesi, duke i ftuar ato që në të ardhmen të bëhen pjesë e subjektit të ri politik.
Kryediplomati shqiptar viziton Kosovën, takohet me krerët institucionalë 
Serbia synon ta minojë demokracinë në Kosovë dhe ta kontrollojë votën e serbëve përmes Listës Serbe 
Milanoviq e demanton Vuçiqin për Aleancën Kosovë-Shqipëri-Kroaci 
Stradner: Vizita e kongresistëve, hap për riafirmimin e angazhimit të SHBA-së për paqe në rajon 
Partitë shqiptare në Mal të Zi drejt bashkimit në një subjekt të vetëm politik 
Konjufca: SHBA-të nuk janë vetëm aleati ynë kryesor strategjik por partner i pazëvendësushëm 
Premtime për ekonomi, paga dhe zhvillim – çfarë po ofrojnë LVV, PDK, LDK dhe AAK në zgjedhjet e 7 qershorit? 
Tri partitë shqiptare në Mal të Zi bashkohen në Forumin Shqiptar 
PSG kampion i Evropës për vitin e dytë rresht