Prishtinë, 25 maj 2026 20:35
Zëvendëskryeministrja dhe ministrja në detyrë e Drejtësisë, Donika Gërvalla, ka deklaruar se sundimi i ligjit është shtylla që e mban shtetin në këmbë.
Gërvalla ka bërë të ditur se gjatë vizitës në Prokurorinë Themelore në Gjakovë është pritur nga kryeprokurori Enis Gashi, me të cilin kanë diskutuar për funksionimin institucional të sistemit prokurorial dhe sfidat në garantimin e efikasitetit dhe koordinimit në trajtimin e lëndëve.
Sipas saj, pakoja prej pesë ligjeve, funksionalizimi i Byrosë Shtetërore për Verifikimin dhe Konfiskimin e Pasurisë së Pajustifikueshme, si dhe procesi i Vetingut, përbëjnë arkitekturën kryesore të forcimit të integritetit dhe konsolidimit të sistemit të drejtësisë.
Ajo ka theksuar se ky proces mbështetet në bashkëpunim të ngushtë ndërinstitucional, si element thelbësor për rritjen e efikasitetit dhe forcimin e besimit në sundimin e ligjit.
“Kur drejtësia zbatohet pa përjashtim, shteti nuk deklarohet i fortë, bëhet i fortë”, ka shkruar Gërvalla në një postim në Facebook.
Kurti: Shtrirja e sovranitetit në veri ndihmoi në zbulimin e mbetjeve mortore 
Mbi 1,600 të pagjetur në Kosovë, Serbia ende pa dhënë përgjigje për fatin e tyre 
Ambasada Britanike për të zhdukurit e luftës: Mbështesim përpjekjet për të gjetur përgjigje pas vitesh pasigurie 
Kurti: 23 mbetjet mortore në Zubin-Potok përkojnë me “grupin e intelektualëve” 
Haxhiu takohet me gazetarët ukrainas në Kosovë 
Nga Fehim Sali te Jelena Gjukanoviq: Si po goditën rrjetet e dyshuara të spiunazhit në Kosovëo 
3.3 milionë euro për banim social në Mitrovicën e Jugut 
Donjeta Sadiku ia siguron Kosovës medaljen e parë në Lojërat Mesdhetare “Taranto 2026” 
Palatova: Duam ta shohim Kosovën dhe Ukrainën duke zënë vendin e tyre në Bashkimin Evropian