Trepça sërish kampione e Kosovës në basketboll, fiton titullin e tretë rresht

Prishtinë 21 Maj 2026 8:52

Trepça e ka mbrojtur titullin e kampiones në basketboll, të tretin rresht, pas fitores së katërt në serinë finale të Play-Offit

Në ndeshjen e katërt finale të luajtur në “Sezai Surroi” në Prizren, “xehetarët” triumfuan 78:98 ndaj Bashkimit për rezulatin e përgjithshëm prej 4-0 në seri.

Mitrovicasit e udhëhequr nga trajneri Adis Beçiragiq, kishin fituar dy ndedgjet e para në “Minatori”, ndërsa dy duelet e finales në Prizren mbizotëruan ndaj Bashkimit, të cilën skuadër e kanë mposhtur edhe në finale të Kupës.

Seria e hershme e Bashkimit prej 8:0 për dy minuta, ishte prmetuese se skuadra vendëse do të niste serinë e fitoreve. Por prizrenasit u dorëzuan shpejt dhe lejuan Trepçën të dal në epërsi, e cila pas çerekut të parë u rrit në 8 pikë plus, 22:30 dhe pas 18 minutave arriti në plus 19 pikë, 30:49.

Në pjesën e dytë Bashkimi u aftua deri në minus tri pikë, por në momentet vendimtare, Bashkimin e tradhëtuan tifozët vendës “Arpagjikët”, të cilët në mënyrë të organizuar dhe në kor kanë sharë e ofenduar basketbollistët e Trepçës, gjyqtarët e ndeshjes dhe zyrtarët e FBK-së.

Edhe pas vërejtjeve nga banka zyrtare, tifozët nuk u ndalën duke detyruar gjyqtarët të ndërprenin ndeshjen për disa minuta dhe të kërkonin largimin e tifozëve nga Njësiti special i Policisë së Kosovës.

Pas rikthimit Trepça nisi një tjetër seri të suksesshme që u solli atyre fitoren për titullin e kampionit.

Për Trepçën ky është titulli i tretë rresht dhe në të njëjtën kohë konfirmim i dominimit të plotë në basketbollin kosovar në vitet e fundit.

Pos tre titujve të kampionit, Trepça ka fituar edhe pesë kupa rresht të Kosovës. Skuadra nga “Minatori” ka fituar edhe dy trofe të Superkupës dhe po ashtu Ligën Unike.