Media serbe” Lulzim Halili i arrestuar në Serbi akuzohet për krime lufte dhe sulm në Karraullën e Koshares

Svilajnac. 23 korrik 2025

Ish pjesëtari i UÇK-së Lulzim Halili është arrestuar mbrëmjen e djeshme në territorin e Serbisë, konkretisht në Svilajnac.
Ai u arrestua në një aksion të përbashkët të Agjencisë së Sigurisë dhe Informacionit (BIA), Shërbimit të Zbulimit të Krimeve të Luftës të MUP-it të Serbisë, në bashkëpunim me Prokurorinë e Krimeve të Luftës.
Mediat serbe raportojnë se Halili u arrestua sipas tyre, si i dyshuar për krime kundër njerëzimit.

Akuzat e ngarkojnë atë si pjesëtar të shquar të Ushtrisë Çlirimtare të Kosovës (UÇK), e cila vepronte në zonën e Pejës, Prishtinës dhe Gjakovës dhe sipas mediave serbe ishte i përfshirë në sulmin ndaj postës së Ushtrisë Jugosllave në Koshare.
Në konsultim me Prokurorinë për Krime Lufte, i dyshuari u ndalua deri në 48 orë dhe do të sillet në prokurorinë kompetente me një kallëzim penal.
Arrestimi i Lulzim Halilit vjen vetëm pak ditë pasi Presidenti serb Aleksander Vuçiç deklaroi se arrestimi i Igor Popoviq-it do të sjellë pasoja të paparashikueshme.

Nderkaq, pas këtyre deklaratave, para dy ditëve në një konferencë per shtyp, kryeministri në mandat teknik, Albin Kurti, u kishte bërë thirrje shtetasve të Republikës së Kosovë që t’i shmangin udhëtimet nëpër teritorine Serbisë.