Prishtinë, 4 maj 2026 07:16
Kryeministri në detyrë i Kosovës, Albin Kurti, ka marrë pjesë në darkën zyrtare të organizuar në kuadër të Samitit të Komunitetit Politik Evropian, që po mbahet në Jerevan.
Në një postim në Facebook, ai bëri të ditur se “mora pjesë në darkën zyrtare të shtruar nga Presidenti i Republikës së Armenisë”, Vahagn Khachaturyan. Kurti shtoi se në pritjen zyrtare u mirëprit nga Kryeministri armen Nikol Pashinyan dhe Kryetari i Kuvendit, Alen Simonyan.
Duke folur për takimet gjatë mbrëmjes, Kurti theksoi se “pata bashkëbisedime me liderë dhe përfaqësues të lartë të shteteve pjesëmarrëse, ku u shkëmbyen ide, pikëpamje dhe qëndrime mbi zhvillimet aktuale në Evropë dhe më gjerë”.
Ai shtoi se në këto takime u diskutua edhe për bashkëpunimin e ardhshëm, duke theksuar se “u trajtuan edhe mundësitë për thellimin e bashkëpunimit në fusha me interes të përbashkët”.
Në këtë kuadër, Kurti bëri të ditur se ka zhvilluar takime me Kryeministrin e Mbretërisë së Bashkuar, Keir Starmer, Presidentin e Këshillit Evropian, António Costa, Presidentin e Konfederatës së Zvicrës, Guy Parmelin, si dhe Zëvendëspresidenten e Bullgarisë, Iliana Iotova.
Po ashtu, ai u takua edhe me Kryeministrin e Shqipërisë, Edi Rama, Presidentin e Malit të Zi, Jakov Milatović, Kryeministrin e Norvegjisë, Jonas Gahr Støre, Sekretarin e Përgjithshëm të OSBE-së, Feridun H. Sinirlioğlu, Kryeministrin e Andorrës, Xavier Espot Zamora, anëtarin e Presidencës së Bosnjë dhe Hercegovinës, Denis Bećirović, si dhe Kryeministren e Lihtenshtajnit, Brigitte Haas.
Kurti theksoi se këto takime janë pjesë e angazhimeve për forcimin e bashkëpunimit ndërmjet vendeve evropiane dhe adresimin e sfidave të përbashkëta.
Parlamenti Evropian miraton amendamentin për shqipen në provimet shtetërore, thirrje urgjente për Shkupin të zbatojë Marrëveshjen e Ohrit 
Haga reagon pas raportit të britanikëve: Nëse ka pretendime për shkelje, të akuzuarit mund t’i drejtohen Supremes ose Kushtetueses 
Mbahet takimi i parë i Komitetit Monitorues BE-Kosovë 
Terras: Shumë e rëndësishme që Kosova të fitojë statusin e vendit kandidat 
Kosova mbetet cak i ndërhyrjeve të huaja e fushatave dezinformuese 
Kurti pret të mos refuzohet nga partitë e tjera, do bashkëpunim për zgjedhjen e presidentit 
ZKA zbulon shkelje në Mitrovicën e Veriut: Mbi 25 mijë euro të hyra të humbura dhe gabime në leje ndërtimi 
Komuna e Mitrovicës vazhdon aksionin ndaj ndërtimeve që nuk respektojnë lejet ndërtimore 
Koha e ujit falas në veri të Kosovës po mbaron pas gati tre dekadash 
Ministria kundërshtoi vendimin e Kuvendit Komunal të Mitrovicës Veriore për të hequr tabelën “E dua Mitrovicën”