Prishtinë 3 Maj 2026 14:50
Ushtruesja e detyrës së presidentes, Albulena Haxhiu, ka shënuar Ditën Botërore të Lirisë së Shtypit duke shprehur mirënjohje për gazetarët dhe punonjësit e mediave që kontribuojnë në informimin e drejtë të publikut.
Ajo theksoi se në një kohë me ritëm të shpejtë të shpërndarjes së informacionit, bëhet gjithnjë e më sfiduese dallimi mes fakteve dhe interpretimeve.
Haxhiu nënvizoi se mediat profesionale dhe gazetarët e përkushtuar kanë rol kyç në ruajtjen e së vërtetës dhe në orientimin e qytetarëve, duke paralajmëruar se përzierja e lajmit me manipulimin dhe përhapja e gjysmë të vërtetave dëmton besimin publik dhe dobëson demokracinë.
Sipas saj, gazetaria me integritet mbetet një shtyllë e rëndësishme për funksionimin e një shoqërie demokratike.
“Hapësira publike ka nevojë për ndershmëri, për fakte, për verifikim dhe përgjegjësi. Këto janë vlera që e forcojnë besimin dhe e mbajnë të shëndetshme demokracinë tonë. Falënderoj të gjithë punonjësit e mediave që verifikojnë faktet, transmetojnë lajmet dhe i shërbejnë publikut me ndershmëri! Gazetaria me integritet është shërbim për qytetarët dhe për Republikën”, thuhet në postimin e saj.
Rrjeti i BIA-s për SNS-në: Mbledhje votash dhe evidentim i kundërshtarëve në Kosovë 
Kurti: Shëndeti mendor i fëmijëve të jetë pjesë e politikave shtetërore 
Operacion i madh kundër narkotikëve, pesë të arrestuar dhe heroinë mbi gjysmë milioni euro 
Pas identifikimit të tre viktimave të luftës, priten identifikime të tjera në ditët në vijim 
Identifikohen mbetjet mortore edhe të personave nga “Grupi i Intelektualëve” të zhdukur gjatë luftës 
Aksion ndërkombëtar kundër mashtrimeve me investime, bastisen pesë lokacione në Kosovë – arrestohen tre persona 
Demokratët marrin kontrollin e të dy dhomave të Kongresit amerikan, goditje politike për Trumpin