Prishtinë, 21 korrik 2025
Ministria e Punëve të Jashtme dhe Diasporës (MPJD) ka dalë me një njoftim për bashkatdhetarët, duke i paralajmëruar për kufizimet që lidhen me udhëtimin drejt Kosovës me dokumente të skaduara, veçanërisht gjatë kalimit tranzit përmes vendeve të treta.
MPJD bën të ditur se disa shtete kërkojnë dokumente të vlefshme udhëtimi pa përjashtim, pavarësisht se cila është origjina apo destinacioni i udhëtimit.
“Duke u bazuar në rastet e fundit, sidomos gjatë kalimit përmes territorit të Italisë, njoftojmë qytetarët se udhëtimi me dokumente të skaduara nuk lejohet nëpër këto shtete. Prandaj, është e domosdoshme që qytetarët të verifikojnë paraprakisht kërkesat e dokumentacionit për secilin vend tranzit,” thuhet në njoftim.
Ministria u bën thirrje qytetarëve që të planifikojnë udhëtimet me kujdes dhe të kontaktojnë misionet diplomatike dhe konsullore të Kosovës në rast pasigurie apo paqartësish.
“Informohuni para nisjes dhe shmangni problemet gjatë udhëtimit,” përfundon komunikata e MPJD-së.
Kurti nga veriu: Asnjë kriminel nuk do të lejohet që të mbijetojë i pandëshkuar 
Kurti pas homazheve te memoriali i policëve të rënë në detyrë: Kosova është më e sigurt se kurrë 
Krerët e shtetit bëjnë homazhe pranë Lapidarit të Policëve të rënë 
26 Korriku, dita kushtuar policëve që sakrifikuan jetën për Kosovën 
Për gjashtë muaj, 46 viktima në 45 aksidente fatale 
Lirohet i riu nga Kosova që u ndalua nga policia serbe në Horgosh 
Përçarja e Listës Serbe në Gracanicë: A janë të rezervuara vendet e punës në kujdesin shëndetësor për të afërmit e politikanëve nga Lista Serbe?