3.2 milionë euro mbështetje financiare për projekte ndërkufitare Kosovë – Maqedoni e Veriut

Prishtinë, 29 prill 2026 06:38

Mbështetja financiare prej 3.2 milionë eurosh është vënë në dispozicion për projekte të reja në kuadër të Programit IPA III të Bashkëpunimit Ndërkufitar Kosovë – Maqedoni e Veriut 2021–2027, duke synuar zhvillimin e qëndrueshëm dhe forcimin e lidhjeve mes dy vendeve.

Vendimi është marrë në takimin e tretë të Komitetit të Përbashkët të Monitorimit, i mbajtur në Prishtinë, ku u aprovua lista e projekteve që do të përfitojnë nga thirrja e parë për projekt-propozime.

Projektet e përzgjedhura do të fillojnë zbatimin pas përfundimit të procesit të kontraktimit dhe do të fokusohen në fusha të rëndësishme si mbrojtja e mjedisit, zhvillimi i turizmit dhe mbështetja e bizneseve në zonat kufitare.

Ky program synon të forcojë bashkëpunimin ndërkufitar dhe të krijojë mundësi të reja për komunitetet në të dy anët e kufirit, duke kontribuar në zhvillimin ekonomik dhe social të rajonit.