Hap i ri në shëndetësinë kosovare: testime jetike për foshnjat që në ditët e para

Mitrovicë, 24 prill 2026 11:56

Në Spitali i Përgjithshëm “Dr. Sami Haxhibeqiri” ka nisur për herë të parë zbatimi i skriningut neonatal për foshnjat e porsalindura, duke shënuar një hap të rëndësishëm në avancimin e kujdesit shëndetësor për këtë kategori të ndjeshme.

Ky shërbim po realizohet në koordinim me Shërbimi Spitalor Klinik dhe Universitar i Kosovës dhe strukturat përkatëse të neonatologjisë, me qëllim identifikimin e hershëm të çrregullimeve metabolike dhe gjenetike që mund të rrezikojnë zhvillimin normal të fëmijëve.

Procedura është e thjeshtë dhe minimale invazive: përmes një mostre gjaku të marrë nga thembra e të porsalindurit, bëhet analiza që mund të zbulojë sëmundje edhe para se të shfaqen simptomat e para.

Kjo u jep mjekëve mundësinë për ndërhyrje të menjëhershme dhe trajtim efektiv, duke parandaluar pasoja të rënda afatgjata.
Sipas përgjegjësve të institucionit, testimet e para tashmë janë kryer me sukses, duke dëshmuar gatishmërinë e stafit dhe funksionalizimin e këtij shërbimi të ri.

Futja e skriningut neonatal në këtë spital konsiderohet një zhvillim i rëndësishëm për rajonin e Mitrovicës, pasi e afron praktikën mjekësore vendore me standardet ndërkombëtare dhe rrit ndjeshëm sigurinë shëndetësore për foshnjat që në ditët e para të jetës.