Spasojeviq: Kam menduar disa herë të pranoja fajësinë, më vjen keq për rastin e Bunjakut

Prishtinë 20 Prill 2026
Blagoja Spasojeviq ka thënë se do ta pranonte fajësinë po që si aktakuza ndaj tij do të ishte reale.

I akuzuari për rastin e Banjskës ka thënë se i vjen keq për rastin e Afrim Bunjakut.

“Shumë herë kam menduar të pranoja fajësinë dhe, nëse aktakuza do të ishte reale, do ta pranoja.

Unë për vete nuk mund të them se jam terrorist, për arsye se askënd nuk e kam vrarë, askënd nuk e kam lënduar, asnjë plumb nuk e kam shkrepur ndaj Policisë së Kosovës e as ndaj askujt tjetër.

Unë më së shumti do të dëshiroja t’ua prezantoja jetën time, kush jam. Deri në këtë situatë nuk jam marrë me veprime të kundërligjshme.

Kam punuar për 150–200 euro në muaj.

Asnjëherë nuk kam bërë asgjë që është e kundërligjshme.

Më vjen keq për humbjen e jetës së Afrim Bunjakut”, ka deklaruar Spasojeviq.