Prishtinë 20 Prill 2026
Kryetari i Prishtinës, Përparim Rama, ka bërë të ditur se është nënshkruar një marrëveshje bashkëpunimi në fushën e turizmit mes përfaqësuesve nga Kosova, Shqipëria, Mali i Zi dhe Maqedonia e Veriut, në kuadër të Panairit Ndërkombëtar të Turizmit “KOSOVA 2026”.
Në një postim në Facebook, Rama theksoi rëndësinë e bashkëpunimit rajonal, duke e cilësuar turizmin si një sektor që tejkalon kufijtë shtetërorë.
“Kosova, Shqipëria, Mali i Zi dhe Maqedonia e Veriut së bashku, me një zë dhe një vizion të përbashkët, po e dëshmojmë se turizmi nuk njeh kufij dhe se rajoni ynë është më i fortë kur qëndron i bashkuar”, ka shkruar ai.
Ai bëri të ditur se marrëveshja është nënshkruar së bashku me përfaqësues nga Struga dhe Ulqini, në kuadër të këtij panairi.
“Në kuadër të Panairit Ndërkombëtar të Turizmit KOSOVA 2026, nënshkruam marrëveshjen e bashkëpunimit në fushën e turizmit, së bashku me përfaqësuesit e Struga dhe Ulqini”, thuhet në postim.
Rama theksoi se Prishtina synon të luajë rol udhëheqës në këtë proces bashkëpunimi, duke u pozicionuar në hartën turistike rajonale dhe ndërkombëtare.
“Prishtina do të vazhdojë të prijë me vizion, duke ndërtuar ura bashkëpunimi dhe duke e vendosur me krenari në hartën turistike të rajonit dhe më gjerë”, përfundoi ai.
Reagojnë familjarët e viktimave të luftës 
Paraqiten katër kërkesa në protestën e organizuar nga Organizata e Veteranëve të Luftës së UÇK-së 
Nis protesta në sheshin e Prishtinës, në mbështetje të ish-pjesëtarëve të Ushtrisë Çlirimtare të Kosovës 
Galica: Brovina ishte luftëtare e UÇK-së, ajo nuk u ndal as kur u burgos 
“Jo në emrin tonë”, Këshilli i Ambasadorëve reagon pas aktgjykimit ndaj krerëve të UÇK-së 
Sot i jepet lamtumira e fundit Flora Brovinës 
Kryeministri Kurti udhëton në SHBA, në agjendë takime me liderë ndërkombëtarë 
27 vjet nga themelimi i TMK-së 
Trump nënshkruan ligjin për sanksione ndaj Rusisë, Zelensky: Faleminderit SHBA