Prishtinë, 15 prill 2026 23:45
Ditë më parë në varrezat e fshatit Suhodoll të Mitrovicës janë gjetur eshtrat e 9-vjeçarit Sinan Dauti nga Prekazi i Epërm, të cilin më 12.04.1999 e kishin marrë forcat serbe.
Rivarrimi i 9-vjeçarit do të bëhet të shtunën, më 18.04.2026.
Kështu ka bërë të ditur kryeministri Albin Kurti, i cili bashkë me ministrin Andin Hoti ishin për ngushëllime në familjen Dauti në Prekaz të Epërm të Skenderajt.
“Për fatin e tij u kuptua vetëm pas 27 vitesh… Dhimbja e kësaj familjeje nuk është vetëm e tyre, është plagë e hapur e gjithë popullit tonë. Rivarrosja e eshtrave të Sinanit, është një akt i rëndë emocional, por edhe një akt i vonuar i dinjitetit njerëzor. Sepse çdo i rënë për liri meriton emër, vend dhe kujtim të përhershëm” – ka shkruar Kurti në Facebook.
Kurti ka theksuar se kurrë nuk duhet të harrojmë që në gjakun e martirëve dhe dëshmorëve i ka rrënjët liria dhe themelet e shtetit.
“Ne kemi për detyrë që të qëndrojmë pranë familjeve, jo vetëm në ditë përkujtimi, por në përpjekjen e vazhdueshme për zbardhjen e fatit të të zhdukurve dhe për vendosjen e drejtësisë” – ka shtuar Kurti.
Kurti vlerëson se pa drejtësi nuk ka paqe të plotë dhe pa të vërtetën nuk ka pajtim të qëndrueshëm.
Refuzohen kërkesat për mbrojtje të ligjshmërisë në rastin e M.P. dhe Zh.Z. për krime lufte 
ZRRE: Do të kompensohen qytetarët e prekur nga devijimet e njehsorëve 
Komisioni për Legjislacion miraton projektligjin për “çmimet tavan” 
Ambasadori amerikan në NATO viziton Kosovën, Policia njofton se disa rrugë do të bllokohen përkohësisht 
Nafta më lirë sot në Kosovë, benzina dhe gazi mbeten njëjtë 
Paralajmërohet protestë në Jarinjë dhe bllokim i një pjese të autostradës drejt Kosovës 
Kurti takon ambasadorin amerikan në NATO, Matthew Whitaker 
Kosova e shpallë organizatë terroriste Gardën Revolucionare të Iranit, mirëpritet nga Izraeli 
Sadiku dhe Bajoku përfaqësojnë Kosovën në turneun më të madh të historisë