Prishtinë, 05.04.2026 22:00
Ministria e Industrisë, Ndërmarrësisë, Tregtisë dhe Inovacionit, ka njoftuar se ka hyrë në fuqi vendimi i ri për përcaktimin e çmimeve maksimale ditore të derivateve në tregun vendor.
Sipas njoftimit, vendimi, i nënshkruar nga ministrja Mimoza Kusari-Lila, parasheh vendosjen e një mekanizmi të ri për publikimin e përditshëm të çmimeve maksimale të lejuara për shitjen e naftës dhe benzinës, duke filluar nga data 05.04.2026.
Sipas këtij mekanizmi, ministria do të publikojë çdo ditë, jo më vonë se ora 10:00, çmimet maksimale, të cilat bazohen në mesataren e importeve dhe lëvizjet në tregun ndërkombëtar.
Për datën 05.04.2026, çmimet maksimale të lejuara janë: Nafta (dizel): 1.86 euro për litër; Benzina: 1.49 euro për litër.
Ministria ka theksuar se asnjë operator ekonomik nuk lejohet të tejkalojë çmimet e përcaktuara, ndërsa për zbatimin e vendimit do të ketë mbikëqyrje të shtuar nga institucionet përkatëse, përfshirë Inspektoratin Qendror të Mbikëqyrjes së Tregut, Doganën e Kosovës dhe Administratën Tatimore të Kosovës.
Sipas njoftimit, ky vendim synon të rrisë transparencën, të shmangë luhatjet e paarsyeshme të çmimeve dhe të mbrojë konsumatorin në një periudhë të pasigurt të tregjeve globale të derivateve.
Haxhiu për Srebrenicën: Mohimi i gjenocidit nuk mund të ketë vend 
Kurti në Kongresin e BSPK-së: Paga minimale është rritur në 500 euro, po forcojmë mbrojtjen e të drejtave të punëtorëve 
USA Today: Kosova, një histori suksesi në Ballkan 
3.1 milionë euro për projektin infrastrukturor që lidh rrugën rajnole Prekoc-Marec-Krilevë 
Pacolli: Të mbrojmë natyrën nga zjarret 
Punimet në rrugën Prizren–Tetovë avancojnë, projekti synon të afrojë Kosovën dhe Maqedoninë e Veriut 
Rruga drejt konstituimit të Kuvendit, paralajmërohen takime të reja