Prishtinë 16 Mars 2026 8:23
Filmi i shkurtër Two People Exchanging Saliva, ku luan aktorja nga Kosova Luana Bajrami, është shpërblyer me çmimin “Best Live Action Short Film” në ceremoninë e Academy Awards.
Në këtë film, Bajrami interpreton rolin kryesor në një histori të vendosur në një Paris të pazakontë, ku puthjet janë të ndaluara me ligj.
Rrëfimi paraqet një realitet absurd dhe të ftohtë, ku personazhet përballen me rregulla të çuditshme dhe kufizime të pazakonta.
Fitorja e këtij çmimi e vendos edhe emrin e Bajramit në skenën më të madhe të kinematografisë botërore.
Aktorja me origjinë nga Kosova, nga fshati Pleshinë i Ferizajt, ka tërhequr vëmendje ndërkombëtare pasi filmi ku ajo interpreton arriti të fitojë çmimin Oscar për filmin e shkurtër me aktorë.
Bajrami emigroi në Francë në moshën shtatëvjeçare. Ajo ka lindur më 14 mars 2001 dhe është bërë e njohur për paraqitjen në filmin Portrait of a Lady on Fire (2019) si dhe në School’s Out (2018).
Në vitin 2021 ajo debutoi edhe si regjisore me filmin The Hill Where Lionesses Roar, i cili pati premierën në Cannes Film Festival dhe më pas fitoi çmime në disa festivale ndërkombëtare, përfshirë Calgary International Film Festival dhe Raindance Film Festival.
“Summer Culture” sjell në Kosovë artistë nga vende të ndryshme të botës 
Përmbyllet edicioni i 18-të i PriFest, ndahen çmimet kryesore 
Mitrovica International Jazz Days: Edicioni i katërt sjell emra të njohur botërorë 
“Dua” rikthehet në Prishtinë me rrëfimin e luftës 
Kalaja e Prizrenit rihapet pjesërisht për vizitorë 
“Ditari i një fotografi të luftës” hapet në Prishtinë, ekspozitë në nderim të luftës së UÇK-së 
Kurti: Nevojitet strategji shtetërore për reagim ndaj verdiktit të Speciales 
Është ndarë nga jeta ish-futbollisti i njohur gjakovar, Roland “Llolla” Kryeziu, një nga emrat e njohur të sportit në Gjakovë 
Nata e katërt e protestës në Prishtinë kundër aktgjykimit të Speciales 
Dy serbë të ndaluar në Jarinjë, pesë thika dhe “simbole nacionaliste” të sekuestruara