Kamenicë, 11 mars 2026 21:45
Drejtoresha e Administratës së Përgjithshme në Komunën e Kamenicës, Arlindë Sejdiu, ka pritur në një takim Koordinatorin e Zyrës për Preshevë, Medvegjë dhe Bujanoc, Enver Haziri, me të cilin kanë diskutuar për forcimin e bashkëpunimit institucional dhe përmirësimin e shërbimeve administrative për qytetarët e Luginës së Preshevës.
Gjatë takimit është trajtuar mundësia e krijimit të lehtësirave në procedurat administrative për qytetarët e kësaj zone, veçanërisht në procesin e fitimit të shtetësisë së Republikës së Kosovës. Bashkëbiseduesit theksuan se për shumë shqiptarë nga Lugina e Preshevës, qasja në shërbime institucionale në Kosovë është me rëndësi të veçantë, prandaj kërkohet koordinim më i madh ndërmjet institucioneve për të përshpejtuar dhe thjeshtuar procedurat, thuhet në njoftimin e kësaj komune, përcjell Veritasinfo.
Në këtë drejtim, u theksua edhe roli i Komunës së Kamenicës në ofrimin e shërbimeve dhe në krijimin e mundësive që qytetarët e Luginës të kenë qasje më të lehtë dhe më të shpejtë në procedurat administrative, duke kontribuar kështu në forcimin e lidhjeve institucionale dhe mbështetjen e vazhdueshme për shqiptarët e kësaj treve.
Bashkëpunimi ndërinstitucional u vlerësua si një hap i rëndësishëm për të përmirësuar shërbimet dhe për të siguruar trajtim sa më efikas të kërkesave të qytetarëve nga Presheva, Medvegja dhe Bujanoci.
Ministria e Arsimit ndan mbi 103 mijë euro për abetaret e diasporës 
Haxhiu për gërmimet në Kalludër: Zhvillim i rëndësishëm në përpjekjet për ndriçimin e fatit të të zhdukurve 
Publikohet lista preliminare e të vrarëve dhe të zhdukurve në luftë 
Prokuroria Speciale pritet të kërkojë paraburgim për dy të dyshuarit pas zbulimit të varrezës masive në Zubin-Potok 
Mitrovica investon në mirëmbajtje të ndriçimit publik 
Serbia i mbajti të fshehura krimet e kryera në Kosovë- Blakaj bën thirrje për ngritje të aktakuzave