Komuna e Shtimes ndihmon në përmirësimin e kushteve të banimit për familjet në nevojë 

Shtime, 10 mars 2026 07:22

Komuna e Shtimes ka bërë publike listën e përfituesve të nën-projektit për renovimin dhe rindërtimin e objekteve të banimit, i cili realizohet në kuadër të projektit “Banimi Social Adekuat”.

Sipas njoftimit të autoriteteve komunale, lista është hartuar pas procesit të vlerësimit të aplikimeve dhe në përputhje me kriteret dhe procedurat e përcaktuara për këtë program.

Ky projekt zbatohet në bazë të Memorandumit të Mirëkuptimit të nënshkruar ndërmjet Ministria e Mjedisit, Planifikimit Hapësinor dhe Infrastrukturës dhe Komunës së Shtimes, me qëllim përmirësimin e kushteve të banimit për familjet në nevojë.

Përmes këtij programi synohet që familjet përfituese të mbështeten me renovimin apo rindërtimin e shtëpive të tyre, duke krijuar kushte më të mira dhe më të sigurta për jetesë.

Autoritetet komunale kanë theksuar se procesi i përzgjedhjes është realizuar në bazë të kritereve sociale dhe teknike, ndërsa lista e përfituesve është publikuar për transparencë dhe informim të qytetarëve.