S’ka kuorum, dështon seanca për zgjedhjen e presidentit

Prishtinë 05 mars 2026 23:15

Në mungesë të kuorumit, ka dështuar të mbahet seanca për zgjedhjen e presidentit/es.

Por kryetarja e Kuvendit të Kosovës, Albulena Haxhiu ka thënë se ajo do të vazhdohet në momentin që do të bëhen kushtet.

“Me këtë rast po e ndërpres këtë seancë dhe natyrisht që do ta vazhdojmë në qoftë se plotësohen kushtet…S’ka kuorum për të vazhduar më tutje me votimin. Disa herë iu bëra thirrje deputetëve që mungojnë që të jenë të pranishëm… megjithatë situata është që ata nuk janë të pranishëm, rrjedhimisht nuk i kemi 2/3 e deputetëve. Nuk mund të vazhdojmë me votimin”, tha Haxhiu.